Fullt i salen då NCE Maritime CleanTech, Sustainable Energy norsk katapult-senter og Mohnsenteret for innovasjon og regional utvikling arrangerte tech update om ammoniakk.
I DNV GLs prognose for framtidas skipsfart, Maritime Forecast to 2050, er ammoniakk spådd til å dekka heile 25 prosent av energibehovet i skipsfarten innan 2050.
12. november samla NCE Maritime CleanTech, Sustainable Energy norsk katapult-senter og Mohnsenteret bransjen for å finna ut meir om korleis ein kan nytta ammoniakk som drivstoff.
Ole Johan Harnes frå DNV GL presenterte prognosane deira knytt til kva drivstoff dei trur kjem til å bli mest brukt i åra som kjem.
Øystein Kostøl i Yara fortalde korleis gjødselgiganten produserer grøn ammoniakk, både til gjødsel og til drivstoff.
Tjalve M. Svendsen i Prototech har saman med kollegane sine forska på korleis ein kan laga brenselceller for å nytta gassen som drivstoff i den maritime næringa.
Niels de Vries i C-Job Naval Arcitechs er blant verdas verdas fremste ekspertar på ammoniakk. Via Skype presenterte han mogelegheitene som ligg i bruken av ammoniakk.
Dagen blei runda av med workshops der samtlege deltakarar deltok. Her dukka fleire nye idear og mogelege samarbeid opp.
Vil du sjå presentasjonane? Klikk på innlegga i programmet for å lasta ned:
- Ammonia in the fuel mix towards 2050 – Ole Johan Harnes, Business Development Leader, DNV GL
- Green ammonia production for decarbonized fertilizer and fuel – Øystein Kostøl, Project Manager, Yara
- Ammonia as Marine Fuel – Niels de Vries, Lead Naval architect, C-Job Naval Architects
Arrangementet inngår som ein del av MobiFORSK-prosjektet til Hordaland Fylkeskommune (finansiert av Forskningsrådet), som jobbar for å fremje forskingsbasert innovasjon i regionalt næringsliv.
