No skal grøne, norske løysingar til Frankrike – og du kan bli med!

Norske verft, utstyrsprodusentar og tenesteleverandørar skal posisjonerast for å eksportera låg- og nullutsleppsløysingar for maritim passasjertransport i Sør-Europa. Innovasjon Norge og Maritime CleanTech inviterer maritime aktørar til å bli med på dedikert vekstprogram retta mot Frankrike i 2023-24.

Agenda webinar:

• Introduksjon ved Håvard Tvedte, direktør kommunikasjon og samfunnskontakt, Maritime CleanTech
• Om programmet ved Stephanie Volpe, seniorrådgivar, Innovasjon Norge Frankrike
• Spørsmålsrunde (bruk chat)

Programmet er målretta norske leverandørar knytt til grøne teknologiar for ferjer, hurtigbåtar, turistfartøy, autonome bybåtar, samt ladesystem og landstraumløysingar (inkludert autonome batteribyttesystem). Dei norske bedriftene som blir med vil få hjelp frå Innovasjon Norge sine regionale og internasjonale kontor, norske ambassadar, Eksfin, norsk-fransk handelskammer, relevante klynger og andre samarbeidspartnarar etter behov. Deltakaravgifta er på NOK 30.000 for SMB-ar, og NOK 50.000 for store verksemder.

Søknadsfristen for å delta på Global Growth-programmet er 22. september.

Initiativet er ein del av Innovasjon Norge sitt High Potential Opportunities-program (HPO) for store eksporttiltak. Delta på dette webinaret for å finna ut meir om korleis du kan melda deg på!

Har du spørsmål om deltaking på programmet? Kontakt prosjektkoordinator Alv Øidvin i Maritime CleanTech, (alv@maritimecleantech.no).