Ein partnarskap samansett av Vestland fylkeskommune, NHO, LO, KS, NAV, Bergen Næringsråd, Næringsalliansen i Hordaland, Sogn og Fjordane Næringsråd og Bergen kommune har gått saman om å få utarbeida ei scenarioanalyse for næringslivet i Vestland. Analysen er gjort av Ernst & Young i tett samarbeid med partnarane.

I over seks månadar har næringslivet i Vestland stått midt i ei krise som er ulik alle andre kriser vi har vore gjennom tidlegare. Planar og strategiar for 2020 og framover blei lagt til sides. Kampen står no om å posisjonere seg i marknaden, og for nokon om å overleve. Samstundes må vi ha eit auge på korleis verda vil sjå ut når vi kjem ut i andre enden.

Krisa har akselerert prosesser som alt var i gang, med netthandel, digitalisering og  mindre reising utanlands. Samstundes har grøn omstilling blitt trekt fram som hjørnesteinen i gjenoppbygginga.

Men kva betyr dette heilt konkret for næringslivet i Vestland? Korleis skal vi vinne fram i konkurransen og ta vår plass i framtidas næringsliv? Og ikkje minst: kva barrierar står i vegen for at vi lukkast.

Det er begrensa tal plassar på kvart arrangement under det gjeldande smittevernregimet, så det lurt å melde seg på tidleg. Arrangementa vil også bli strømma.

Dette skjer på arrangementet

Til arrangementet kjem fleire sentrale personar frå nøkkelnæringar og -institusjonar. Dei skal kommentere funna og diskutere korleis offentleg sektor, næringslivet, akademia og forskingsmiljø kan løyse dei store samfunnsutfordringane som står føre oss. Dette gjeld mellom anna:

• Anne-Grete Sandtorv, dagleg leiar i Stord Næringsråd (moderator)
• Steinar Røgenes, konserndirektør EPCI i Kværner Stord
• Jane Jünger, kommunikasjonssjef i Wärtsila Norge
• Håvard Tvedte, direktør prosjektstyring i NCE Maritime CleanTech
• Maria B. Helsengreen, partner i EY

Bård Sandal, fylkesdirektør for innovasjon og næringsutvikling, er møteleiar.

Meir info: https://www.vestlandfylke.no/kalender/2020/lansering-av-scenarioanalysen-for-naringslivet-i-vestland—stord-11.-november/