Nye Energiformer! Kva blir framtidas energimiks? Kva moglegheiter har me innan havvind? Korleis kan sirkulærøkonomi verta eit konkurransefortrinn? Klarar me omstillinga?

På den viktigaste møteplassen for leverandørindustrien får du innsikt og inspirasjon!

I tillegg til å sikra nok mat, vert tilgangen på grøn energi den største utfordringa me menneske står ovafor i åra framover. Også i Noreg er energi eit sentralt tema, ikkje minst forsterka av den grufulle krigen i Ukraina. Høge straumprisar, elektrifisering, tilgang på nok kraft: Utfordringane er mange og komplekse – det betyr at også løysingane må verta samansette og heilskaplege.

På Stordkonferansen 16. juni vil me med utgangspunkt i leverandørindustrien sjå på nye energiformer, og korleis energi-mixen framover må verta for å lykkast.

Havvind vert eit sentralt tema på Stordkonferansen i år, og ikkje minst eit nytt energisystem og infrastruktur mellom hav og land. Zeeds, ABB og Norsk Havvind skal bidra til å synleggjere nye løysingar og nye eksportmoglegheiter for leverandørindustrien vår.

Me snakkar heile tida om verdien av samarbeid, og verdien av å ha ein heimemarknad. På Stordkonferansen vil me presentere konkrete eksempel på korleis samarbeid på Vestlandet har skapt arbeidsplassar og verdiskaping for vår regionen og for landet vårt.

Program og påmelding her.

Vel møtt til Stordkonferansen 2022!