NCE Maritime CleanTech er medarrangør for den 19. Stordkonferansen vert arrangert torsdag 7. juni på Stord Hotell.

Med utgangspunkt i leverandørane til olje- og gass industrien vil Stordkonferansen i år ha eit sterkare fokus på kva posisjon industrien i regionen skal ta i framtida.

Korleis bruka og vidareutvikle kompetansen? Kor kjem veksten i arbeidsplassar i framtida? Torger Reve, professor i strategi og industriell konkurranseevne ved Handelshøyskolen BI har med seg ein fersk rapport til Stordkonferansen 7. juni.

Mange verksemder har lykkast godt med å finna nye marknader, og me ser at rammevilkår og tilrettelegging for eit grønt skifte er ein viktig føresetnad for  dette. Det grøne skifte er både ein evolusjon og revolusjon. Men heilt avgjerande er det at at me skal bygga vidare på den kompetansen me har i dag for å skapa dei nye jobbane.

Kontinuerleg fokus på smartare arbeidsmetodar, bruk av digitale verktøy, og ikkje minst dei unge sin medverknad til fornying av industrien slik at meir arbeid kan utførast i Norge.

På Stordkonferansen 7. juni vil du møta ein leverandørindustri som er godt rusta for dei neste åra, og som er open for at kompetanse og arbeidsplassar skal utviklast for framtida saman med samfunnet rundt.

Program

Påmelding