10. mai arrangerer Ocean Of Opportunities ein workshop i Stavanger. Her vil du få eit unikt innblikk i korleis den verdsleiande maritime næringsklynga Maritime CleanTech jobbar med EU-prosjekt – frå søknad til prosjektgjennomføring.

Du vil også få læra meir om mulegheitene for såkalla softfunding, presentert av konsulentselskapet  Nordic Innovators, som spesialiserer seg på å finna støtteordningar for innovasjonsprosjekt. I tillegg vil Innovasjon Norge gå gjennom mulegheitene som ligg i statlege støtteordningar.

Arrangementet blir avslutta med ein workshop der aktuelle utlysingar i Horizon Europe er tema. 

Program: 

11:00-12.00  Lunch

12:00-12:15   Om Maritime CleanTech og pågåande EU-prosjekt – Øystein Huglen, innovasjonsdirektør Maritime CleanTech

12:15-12:45   Softfunding (norske og internasjonale verkemiddelapparat) – Kenneth Junge Hermansen, senior partner og CEO, Nordic Innovators

12:45-13:00  Statlege støtteordningar – Tim Genge, EU rådgivar, NCP CL5-klima,eneri og mobilitet, Innovasjon Norge

13:00-16:00  Workshop: Aktuelle utlysingar i Horizon – Jan A. Norbeck , EU-rådgivar Maritime CleanTech og Kenneth Junge Hermansen, senior partner og CEO, Nordic Innovators.

EU-nettverket Ocean Of Opportunities jobbar aktivt med å få fleire bedrifter, forskingsinstitusjonar og offentlege aktørar til å ta del i EU-prosjekt, ved å kopla verdikjedene innan havnæringane tettare saman. Nettverket består av næringsklynger, forskingsinstitusjonar, katapultsenter, industri-inkubatorar, offentlege fagetatar, bransjeorganisasjonar, fylkeskommunar og kommunar. Til saman har klyngene over 550 medlemsbedrifter. Kjernepartnarane bak nettverket er Universitetet i Bergen, Energiomstilling Vest, NCE Maritime CleanTech, GCE Ocean Technology og Norwegian Offshore Wind Cluster.