NCE Maritime CleanTech inviterer klyngedeltakarar til å delta på “Norway-Asia Business Summit” i Shanghai 31.10-2.11. Etter konferansen blir det Global Growth-program for interesserte bedrifter i same region.
Norsk maritim miljøteknologi er banebrytande, og verda over er det stort potensiale for nye løysingar. Ikkje minst i folkerike land med mykje sjøtransport, som Kina.
På årets toppmøte for norske næringsaktørar med interesser i Kina og Asia, vil maritime løysingar vera i fokus. NCE Maritime CleanTech skal ha ansvar for ein eigen sesjon i programmet på toppmøte med tittelen: “smart & green maritime transport”. Er bedrifta di interessert i å delta her? Send e-post.
Global Growth-program 4.-7.11
Etter at den store konferansen er ferdig i Shanghai legg NCE Maritime CleanTech opp til Global Growth-program for bedrifter som ønsker å bygga nye relasjonar til kinesiske samarbeidspartnarar.
Første reise i programmet er lagt til 4.-7.11, og det passar difor å delta på konferansen i forkant om ønskeleg. Frist for å melda interesse (ikkje bindande påmelding) er fredag 14. juni.
Innovasjon Norge legg til rette for Global Growth-programmet. Målet er å posisjonera norske bedrifter mot gode lokale partnarar i Kina. Bakgrunnen er ei avtale mellom Noreg og Jiangsu-provinsen. Her delfinansierer provinsstyresmaktene bedrifter som deltar i kommersialisering av «Green Tech»-prosjekt med norske bedrifter.
Informasjonsmøte på Nor-Shipping 7. juni kl. 11
Ønsker du meir informasjon om både konferansen og Global Growth-programmet? NCE Maritime CleanTech, Norway-Asia Business Summit og Innovasjon Norge inviterer til ope informasjonsmøte på stand A1-38 på Nor-Shipping, fredag 7. juni kl. 11.
Passar det ikkje? Send e-post for å høyra meir om dei planlagde aktivitetane.