Norske byar skal bli både smarte og grøne, og norsk maritim næring er allereie klare med løysingar for nullutsleppsløysingar for bybåtar. Dette kan styrka kollektivtilboda og bidra til: kortare reisetid, mindre køar på vegane, mindre vedlikehaldskostnader og store reduksjonar i utslepp. Dette vil også oppfylla måla om smartare og grønare byutvikling, der mobilitet er nøkkelordet. Men, trass i ønska om å bruka sjøvegen i mykje større grad: det tar tid når det offentlege skal realisera nye planar. Private utbyggarar og maritime næringsaktørar er utålmodige.

Korleis kan me sikra at verdsleiande norsk maritim miljøteknologi kjem i bruk som eit kollektivalternativ i norske hamnebasseng? Kven får den første piloten? Korleis skal det organiserast? Er det fritt fram for private aktørar? Kva står i vegen?

Til debatten kjem nasjonale politikarar som har mål om å flytta meir av vegtransporten over til sjø. Her kjem byråd i Bergen for å presentera korleis ein jobbar med å realisera ny båtrute i indre hamnebasseng, og her kjem representantar frå opposisjon, byutviklingsaktørar og representantar frå maritim næring.

Deltakarar:

• Erlend Horn, Finansbyråd (V), Bergen kommune
• Marianne Chesak, Fylkesordførar (Ap), Rogaland fylkeskommune
• TBA, statssekretær, Samferdselsdepartementet
• Siv Remøy-Vangen, CEO, Maritime Bergen
• Håvard Tvedte, Kommunikasjonsdirektør, NCE Maritime CleanTech
• Nancy Jøssang, Partner, Opus
• Lars Endre Gimmestad, Deputy CEO, Brødrene Aa
• Hanna Maria van Zijp, Direktør samfunnskontakt, Zeabuz
• Hege Økland, CEO, NCE Maritime CleanTech
• Rune Hvass, Havnefogd, Arendal Hamn