Kystruta Bergen–Kirkenes kan bli ein katalysator for utviklinga av utsleppsfri sjøfart langs kysten. Zero og Maritime CleanTech samlar maritim næring og myndigheiter til seminar om teknologi, infrastruktur og politikk for nullutslepp på kystruta.

Sidan 1893 har hurtigruta frakta folk og gods langs norskekysten. Både Hurtigruten Norge og Havila Kystruten, som trafikkerer ruta i dag med til saman 11 fartøy, har utvikla planar for å kunna segla utsleppsfritt i framtida.

Kva treng dei for at planane skal bli realiserte? Og kan nullutslepp bli eit krav i det nye kystruteanbodet som skal lysast ut for perioden 2031–2040?

Me har invitert Hurtigruten og Havila til å fortelja meir om sine forventingar og ambisjonar. Me har invitert samferdselsministeren til å fortelja om arbeidet med kystruteanbodet og debattera utsleppskrav med leiande politikarar frå Stortinget. Og me har invitert industriaktørar til å diskutera moglegheiter og barrierar for få rein energi om bord på skipa.

Program:

• Velkomen
  Liv-Elisif Kalland (fagansvarleg maritimt og hydrogen Zero) og Håvard Tvedte (direktør samfunnskontakt, Maritime CleanTech)
• Nytt kystruteanbud, regjeringas arbeid og ambisjonar
  Jon-Ivar Nygård, samferdselsminister
• Slik kan vi segle utsleppsfritt etter 2030
  Gerry Larsson-Fedde (COO, Hurtigruten Norge) og Bent Martini (CEO, Havila Kystruten)
• Aktuelle løysingar for nullutslepp på kystruta – Teknologipanel
  Siv Remøy-Vangen (CEO, Norwegian Electric Systems), Finn Arne Rognstad, (SVP Sales & Business, Corvus Energy), Håvard Vollset Lien (VP Research & Innovation, Vard Group) og Cato Esperø (salgssjef, Wärtsilä Norge)
• Hamner, kraft og nye drivstoff – Infrastrukturpanel
  Ingvar M. Mathisen (styreleiar, Norske Havner), Hege Økland (CEO, Hy2Gen Norge), Axel Klafstad (Head of Business Development, GreenH) og Thor Andre Berg (seniorrådgjevar, Plug)
• Politisk panel
  Liv Kari Eskeland (Høgre) og Mona Fagerås (SV)
• Oppsummering og avslutning
  Liv-Elisif Kalland (fagansvarleg maritimt og hydrogen Zero) og Håvard Tvedte (direktør samfunnskontakt, Maritime CleanTech)
• Mingling og lett bevertning

Bakgrunn:

• Næringen vil ha utslippsfri kystrute i 2031: – Kan bli en katalysator – Tu.no (25. sept. 2023)
• Kan bli krav om utslippsfrie skip på Kystruten – Tu.no (9. jan. 2023)
• Krav til nullutslipp for Kystruten fra 2030 må settes nå – Tu.no (5. juli 2022)
• Hurtigruten og Havila deler kystruten Bergen-Kirkenes – Tu.no (23. mars 2018)
• Hurtigruten Norway Unveils its First Zero-Emission Cruise Ship: World’s Most Energy-Efficient Cruise Vessel | Hurtigruten Group
• Skrev historie i Geirangerfjorden – verdens første nullutslippsseilas for et cruiseskip inn til Geiranger – Havila Kystruten (havilavoyages.com)