Norske verft, utstyrsprodusentar og tenesteleverandørar skal posisjonerast for å eksportera låg- og nullutsleppsløysingar for maritim passasjertransport i Frankrike. Innovasjon Norge og Maritime CleanTech inviterer maritime aktørar til å bli med på vekstprogram i 2023-24. 

Norske bedrifter leverer løysingar i verdsklasse til eit stort spekter av fartøytypar innan låg- og nullutsleppsløysingar til skipsfarten.  

– Dei norske løysingane og teknologiane rundt er svært innovative, modne, velprøvde – og ikkje minst eksportklare. Den grøne omstillinga i Frankrike akselererer, og timinga for eit styrka norsk engasjement er difor god, seier Stephanie Volpe, frå Innovasjon Norge sitt Paris-kontor. 

Innovasjon Norge og Maritime CleanTech inviterer no til eit dedikert program retta mot den franske marknaden, og opptil ti norske bedrifter blir tatt opp i programmet som startar i oktober i år. Søknadsfristen er 22. september. 

Meld deg på programmet øvst i denne saka! 

– Interesserte bedrifter vil få meir informasjon på eit webinar 15. september. Påmeldingsfristen om ein ønskjer å vera med på prosjektet er 22. september. Her gjeld det å vera snar om ein ønskjer å gripa denne mogelegheita, seier Stephanie Volpe. 

Deltakaravgifta er på NOK 30.000 for SMB-ar, og NOK 50.000 for store verksemder.  

Initiativet er ein del av Innovasjon Norge sitt High Potential Opportunities-program (HPO) for store eksporttiltak.

Har du spørsmål om deltaking på programmet? Kontakt prosjektkoordinator Alv Øidvin i Maritime CleanTech, (alv@maritimecleantech.no).

Meld di interesse på øvst i denne saka!